A FIRST LATIN READER
Latin | Prev
| Next
| Contents
70. A STRANGE CROP
Nóndum tamen Iásón tótum opus cónfécerat;
imperáverat enim eí Aeétés ut
armátós virós quí é dentibus gígnerentur
sólus interficeret. Postquam
igitur omnís dentís in agrum sparsit, Iásón lassitúdine
exanimátus quiétí
sé trádidit, dum virí istí gígnerentur. Paucás
hórás dormiébat, sub
vesperum tamen é somnó subitó excitátus rem ita
événisse ut praedictum
esset cógnóvit; nam in omnibus agrí partibus virí
ingentí mágnitúdine
corporis gladiís galeísque armátí mírum in modum
é terrá oriébantur. Hóc
cógnitó Iásón cónsilium quod dedisset
Médéa nón omittendum esse putábat.
Saxum igitur ingéns (ita enim Médéa praecéperat) in
mediós virós
coniécit. Illí undique ad locum concurrérunt, et cum quisque sibi id
saxum nesció cúr habére vellet, mágna contróversia orta
est. Mox strictís
gladiís inter sé púgnáre coepérunt, et cum hóc
modó plúrimí occísí
essent, reliquí vulneribus cónfectí á Iásone
núlló negótió interfectí
sunt.
Prev
| Next
| Contents
|