A FIRST LATIN READER
Latin | Prev
| Next
| Contents
88. A GLASS TOO MUCH
Sub vesperum Polyphémus ad spéluncam rediit, et eódem modó
quó anteá
cénávit. Tum Ulixés útrem víní prómpsit,
quem forte (id quod eí erat
salútí) sécum attulerat; et postquam mágnum póculum
vínó complévit,
mónstrum ad bibendum próvocávit. Polyphémus, quí
numquam anteá vínum
gustáverat, tótum póculum statim exhausit; quod cum fécisset,
tantam
voluptátem percépit ut iterum et tertium póculum
replérí iusserit. Tum,
cum quaesívisset quó nómine Ulixés appellárétur,
ille respondit sé
Néminem appellarí; quod cum audívisset, Polyphémus ita
locútus est:
"Hanc, tibi grátiam pró tantó benefició referam; té
postrémum omnium
dévorábó." Hóc cum díxisset, cibó
vínóque gravis recubuit et breví
tempore somnó oppressus est. Tum Ulixés sociís
convocátís, "Habémus,"
inquit, "quam petiimus facultátem; né igitur tantam occásiónem
reí
gerendae omittámus."
Prev
| Next
| Contents
|